Axel Bóasson úr Keili lauk keppni í 12. sæti á St. Andrews Links Trophy mótinu sem lauk í gær í St. Andrews, Skotlandi. Axel lék hringina fjóra í mótinu á samtals einu höggi yfir pari. Hann lék lokahringinn á 73 höggum eða einu höggi yfir pari.
Alls voru leiknar 36 holur í gær og þær lék Axel á einu höggi yfir pari. Englendingurinn Neil Raymond sigraði í mótinu en hann lék samtals á sjö höggum undir pari. Mótið er sterkt áhugamannamót og sigraði Justin Rose m.a. í mótinu árið 1997.
Heimild:
kylfingur.is