Nú rétt í þessu var glæsilegu Íslandsmóti í höggleik að ljúka. Ólafía Þórunn sigraði með glæsibrag og flotta spilamennsku alla dagana í kvennaflokki.  Valdís Þóra endaði í 2. sæti og Guðrun Brá tryggði sér 3. sætið. Birgir Leifur gerði vel í dag og kláraði mótið á -8 í heildina og dugði það til sigurs. Í öðru sæti eftir bráðabana við Bjarka Péturs  varð síðan Axel Bóasson. Axel og Bjarki enduðu höggi á eftir sigurvegaranum Birgi Leifi Hafþórssyni. Golfklúbburinn Keilir óskar sigurvegurunum í Íslandsmótinu í höggleik til hamingju með glæsta sigra. Golfklúbbur Akureyrar á svo sannarlega hrós skilið fyrir flott mót með frábæri umgjörð. Golfklúbburinn Keilir átti 21 þáttakanda í mótinu í ár  og voru allir okkar kylfingar okkur til mikils sóma og stóðu sig vel. Nú er bara að bíða eftir næsta móti árið 2017 sem verður haldið á afmælisári Keilis á Hvaleyrarvelli.