Guðrún Brá vann sinn fyrsta sigur í Háskólagolfinu í gær. Hún var búin að leiða mótið frá fyrsta degi en spilaði á 76 í gær sem dugði henni, en lokaspretturinn var æsispennandi. Dana Finkelstein frá Háskólanum í Las Vegas dugði par á seinustu til að jafna við Guðrúnu en hún setti boltann sinn í vatn við grínið og var því Guðrún krýndur sigurvegari á þessu sterka móti. Við óskum henni innilega til hamingju og það verður spennandi að sjá hvernig framhaldið verður hjá þessum golfsnillingi okkar.